Leynivopn Guðs...

Athugasemdir

[Rósa Aðalsteinsdóttir, 27.3.2008 kl. 14:29]

Sæll Árni minn.

Hlakka til að fá bækurnar.  

Ætla að koma með fáein hressileg Biblíuvers. Ekki veitir af í dag þar sem margir brjóta sáttmálann sem var gerður frammi fyrir Guði og mönnum á brúðkaupsdaginn. Svo eru margir sem gifta sig ekki en eru í sambúð og brjóta gegn sambýlingi sínum.

“Njót þú lífsins með þeirri konu, sem þú elskar, alla daga þíns fánýta lífs, sem hann hefir gefið þér undir sólinni, alla þína fánýtu daga, því að það er hlutdeild þín í lífinu og það sem þú fær fyrir strit þitt, sem þú streitist við undir sólinni.” Préd. 9: 9.

 

“Haldið yður eigi hvort frá öðru, nema þá eftir samkomulagi um stundarsakir, til þess að þér getið haft næði til bænahalds, og takið svo saman aftur, til þess að Satan freisti yðar ekki vegna ístöðuleysis yðar.” 1. Kor. 7: 5.

 

“En vegna saurlifnaðarins hafi hver og einn sína eiginkonu og hver og ein hafi sinn eiginmann.” 1.Kor. 7: 2.

  “Hjúskapurinn sé í heiðri hafður í öllum greinum og hjónasængin sé óflekkuð, því að hórkarla og frillulífismenn mun Guð dæma.” Heb. 13: 4.  

Jesús mælti þá til þeirra: ,,Vegna harðúðar hjartna yðar ritaði hann yður þetta boðorð, en frá upphafi sköpunar, gjörði Guð þau karl og konu. Fyrir því skal maður yfirgefa föður sinn og móður og bindast konu sinni, og þau tvö skulu verða einn maður.` Þannig eru þau ekki framar tvö, heldur einn maður. Það sem Guð hefur tengt saman, má maður eigi sundur skilja.” Mark. 10: 5.-9.

Guð blessi þig og umvefji.

Shalom/Rósa